Tesis de Pregrado

Permanent URI for this collectionhttps://dspace-test.ucuenca.edu.ec/handle/123456789/245

Browse

Browsing Tesis de Pregrado by Subject "Cultura"

Filter results by typing the first few letters
Now showing 1 - 5 of 5
  • Thumbnail Image
    Item
    El espíritu de la cascada y su regeneración de la vida achuar en la Comunidad Wampuik
    (Universidad de Cuenca, 2013-11-11) Antuash Senkuan, Shakai Wilson; Marian Sumpaish, Antun Francisco; Shiki Yankur, Leopoldo Siro
    Ju inintrusar takat najanmauka: “Tuna kakarmari” nuyá Achuarti iwiakmau irutkamu wampuikiunam, ipiampamuitiai tura kirak usurmaujai shiram isha najankir wetin tunan kakarmari nekátasar tamau inintiyaitiai, aintsank nekátasar wakerakrisha kirak usumaunumia jiisar unuimiatkir wetin tusar, nakak chichamjainkikia iniankatnaitsuk. Nunisrik iniu turutiri shirmaria nu émkit nuyá kakárman takusat tusar. Ju takat inintrusar najanmaunum irutkamu Achuarnum yachintiuk arak “tuna kakármari” achiktasar weakur umuti nekanawitiai nuka ju áiniawai: Maikiua, natem, Wayus nuyá tsaank. Nekasar jiismaka uchi aishmank, nua nuyá nukuach áiniana auka tuna kakarmari achiktasar tuna karamatniunam nakak pachinchau áiniawai, au takatka nukap tee Kakaram asamtai. Mash Achuarti inintimsar jiismaka iwiaku pujustinnum tuna kakármari achiktinka enketkawai Kakaram, nekati, paantri nuyá Arutma kakarmari, aintsank warikish ii pujamurin najanatniun nekaska: Mesetnum, nukap kintia pujustin, nuwa apatkatniunam, nukap uchi pampartinnum, unuimiatnum nuyá kich ainia ai. Turau asamtai Achuar irutkamunmanka tuke najankir nuyá paant amajkur mashnau inintimtukir weamu ati tamau wakeraji
  • Thumbnail Image
    Item
    Formas de la administración de la justicia achuar en la Comunidad Yankunts
    (Universidad de Cuenca, 2013-11-11) Tiwiram Rumpik, Etsa Humberto; Jimpikit Waar, Jorge Marcos
    Achuar iruntramuka túke auyayi pujawai amazonía nunkanam Ekuaturnum, nunké tesarnaiyawai juunt yaakat Ekuatur – Piruanjai, Achuarka mankartin ainiawai, Achuarka yanchuikia yaa aents iruntraujaish chichás pujúchu armiayi nunken surimin ásar. Yanchuikia yajainkish chichás pujúchu asar Achuarka aya mesetnak pujurin iruniuyayi, nunkan wekatukni wajau armiayi eamkar yurumatniun eatminiak, ikiamnum pujuarmiayi, uchirincha unuininiaksha iniaktusar unuinin armiayi, nuu unuimiatnaka níi nékamurijai aintsan níi juuntri nekátiriji jintintin armiayi uchirincha, Achuarti nunkenka penké juuntaiti inintimsamu wankarmari 784.000 imianu ajan tákakui, ikiamrish emestukchamuiti pasé najanachmauwiti, achuarka penké kuitriniuiti níi nunkéjai, ikiamrijai, nuyá níi pujutirijai, sunkurmakchau ainiawai shiram mayain mayátu ásar, aintsan Achuarka takuiniawai níi umimtiknaitirincha chichasrik jintiamun kirákmachmaun, nuu nekatinkia juunt pujuiniau chichasarank jintinkiar jintinkiar winiaru ainiawai uchi ukúnam wininiauncha. Nuyá musach 1960 nui yáma iruntan juarkiaru ainiawai irutkamun yamá urainiak, irutkamu uram yachuik pujutinka jumchik yapajiauwiti núnaka yaimkaru ainiawai arutman inintimtin ainiau P. Luis Cassiragui nuyá P. Luis Bolla. Juu arutman inintimtin yanchuikia achuarka mesetan pujurin ainiaun núkap yainkiaruiti, arutman chichamen jintinkiar wenak, aintsan, unuimiatnash uratkiar wenak, turiniak mesetnash tsurinkaruiti, nuyánka Achuarsha inintimrarmiayi mesetka paseyaiti tusar tuu matsamtainkia iniaisaru ainiawai. Nuinkia mesetnumianka ankan wajasaru asar yaitmatik unimiatnash níi irutkamurinin urakiar wenak irutkamuncha núkapen najánkiar wearmiayi. Núnaka arútman inintimtin ainia nuu núkapen yaimkiarmiayi. Tura yamai pujáji júni jíismaujai Achuarsha yamaikia penké nukapen emkaru ainiawai, nekás Achuar iruntramuncha takuiniawai “NAE” nuinkia takakminiawai Achuar uchik níi iruntramurincha umuchiniawai. Achuar iruntramuka mash nekamuiti yajá nunkanmasha nekamuiti, aintsan Achuarka yamaisha níi pujutirinkia túke arantawai, níi umitiricha umiawai, níi najantairincha najaniniawai, turak chichamencha kajinmatsui, nújai achuarka shiram jismau aintsan núkap arantukmauwiti chíkich aents iruntrau ainia nusha.
  • Thumbnail Image
    Item
    El matrimonio: poligamia de la nacionalidad Achuar en la Comunidad Tarimiat de la parroquia Huasaga, cantón Taisha, provincia de Morona Santiago
    (Universidad de Cuenca, 2013-11-11) Sumpinanch Sanchik, Jeencham Ramón; Tsukanká Chinkiás, Chumpí Aníbal
    Ju takat najanamuka jintiawai nuwa apatkatin chichaman Achuarnaun irutkamu Tarimtanam, uchich yakat. Nuwa apatkatin tamauka mash nunkanam aints ainia auna turutiri ankan tarimiat aints ainia au yanchuik turuti ainia nuwaitiai tura nunau mash jisar Achuarnau najanamuiti ju takatka. Achuarka puju ainiawai ninia umitiri aintsan irutkamunam nunia ninia jeen pujamunam tura mash ninia pujutiri nekamu awai wayus umurtin nuna ninkia ajapen nantakiar wayusa umin ainiawai wakenam pase takakmauwa nuna imiuktai tusar nuna turuawar kakaram jau armiayi. Nuwa apatkatin Achuarnau tamauka tiniu armiayi ninia kaijiain apatkatin emka nuwatkamuria nunaun tura aishman turuataska penker jiu armiayi shiram jismau nuya kakaram mesetnum yainkamin, eamin, entsa nijiakmin nuna timianu wainiak nuwanka apatin armiayi. Tura yamaikia apatkatniuka tee nukapka atsawai, yusa inintimtin ainia au Achuarnum tar chichainiak nuwa apatkatniuka tunauwitia tusar jintintiam yamaikia nukapka apatmauka atsawai. Yamai mash nuwa apatkatniunam nuwari aintsan aishrijiai jisartin ainiawai ninia uchirin, turasha nuwa apatmaunmaka yamaikia nukape uchi wininiawai turak yamaiyajai apatkam umiti uchiniu nuya ayamprumaktin ainia aujai apatkamka penke jeatsui yurumkanam, unuimiat chichamnum, tsuwak chichamnum nuya tuke inia iwiarmarar pujustinum penke jeantsui.
  • Thumbnail Image
    Item
    Transmisión del conocimiento ancestral de la madre hacia las hijas
    (Universidad de Cuenca, 2013-11-11) Mantu Sumpinanch, Awarmas Cecilia; Mantu Sumpinanch, Sanchiu Elsa; Tunki Timias, Antun Gustavo
    Ii juunt unuimiati unuimiarar amua asar, takat najana ukuktiasar yamai Achuarti itiur matsataj nujai metek inintimsar iisha achuar nuwa asar penker inintimmiaujai, yaunchuik nukuach nawantri itiura jintinkiara tsakatmin armia nuu inintimsar, yamaikia nawant tsakainiaksha niniuri kajinmatkiar tsakainiamti, iiniu kajinmatkimiu aink tusar najanar ukuaji.Yama nankamtikkia achuartisha tuyan tawitiaj, yaunchuksha warukukiaj nú mash inintimsar, aujmatsar najanamuiti, aintsarik, ii pujutiri nekar nuya achuar matsamin armiana timiatrusrikiash matsatiniaj, nú inintikiash takuiniaj nusha aarmauwiti. Emki weakur nekas ii iwiakmau amusuka nuwaiti, nuwa atsamtikia pamparmau ayaj atsumniuwaiti, tumau asa ii nukurinkia nukap takatan najanniuiti, nawantri unuiniawai, itiura ukunam aishmankun wainkiasha jistiniut, nijiamanchsukartustiniun, yurumkan awitniuit, aja takastiniunnuna, tura uchirin wainkatniuana nuna.Yamaiya juinkia nuwa nuna nekatsuk nawant wajasar, aishmankun niniumkar, kajernaikini wajasar warik ajapnaiyawar pase matsatuwenawai, nú inintimsar itiurak nuwach ainiu ininti enketawaraintiaj tusar juka najanji. Nankamichuiti iniu takatri. Yaunchuka inia nukurinkia, ajanam wekas, aishrin tamaum , emtainium wee, mash aishri tamaun amik, nii jenka shiram puju armiayi, tura yamaikia nuna nekainiatsui, yamaiya juinkia, nuwach apari, nukuri tamaun antiniatsui tura aminiatsui, warik uchichik aishmankun niniuminiawai, nui aishrin penker wainiainiatsui, tura anentruatniun, nupa takastiniun, nijiamanch suruktiniun, atashun wainkiatniun nuya achuar nuwan najantairi ainia nuna nekachu tsakainiawai. Apar nuya nukur achuar yanchuik jintin armia nuniska jintiniatsui, ayatik uchisha nii wakeramujai pujusar jintintiachmau tsakainiawai, ju papi najanar ikiuaji atum aujsarum penkeri jisrum nekataram.
  • Thumbnail Image
    Item
    Utilización del lenguaje no verbal en el proceso de interaprendizaje en el centro educativo 5 de agosto de la Comunidad Achuar de Shuinmamus
    (Universidad de Cuenca, 2013-11-11) Mayak Timias, Luciana Mainia; Chumpi Mukuink, Inchis Gloria; Tunki Timias, Antun Gustavo
    Ju takat paan apapekar yamaram najanatasar jutikiaji penker kirak ukukmi tusar chicham chichatsuk muchitkar, nuya iniakmasar warinsha mash chichajinia nuwaiti anturnainiaji paant warik titiasar wakerajiña uchi ukunam wininiana nusha nekawarat tusar najanji ju takatka ju takatan jisar uchi ukunam wininiana nusha chichaniak juwaiti tiarat tusar nisha paan awajkiar wearat tusar, junisar chichakarmi tiarat nuya nekakiar iniun kajinmatsuk unuimikiar wenak jusha awapi tiarat chicham chichaktincha,tiar nukap jintinkiar wearmi ukunmasha unuimiatnumsha paan jintinkiar kiraknasha najankiar wearmi tusar ju papi najanji penker ukukmi tusar.Ju chicham chichati nukap ainiawai, nuya anturnaiti penke pantaiti. Nekaska ju nekatinkia nukap ainiawai chicham chichajinia aintsanketai ju chichamsha Nekaska ju ainiawai nakumkar tamau, ipiamat, pasunmamu, nuya chinki pasuntrau karanmaksha pase kanamu, upikmakirweamu ukunam winiak jintia nekat tusar, nukumamu, suertamu arum warinsha yuatatkurin, yajasmau aimiana jempe tsej tsej tana nuka warinsha nankamastatmati etserui, au ainiawai nukap chichati ujaniktin tursha unuimiatratniutji unuimiatnum mash junaka unuimiatnumsha mash paan jintiatniuti ju chichatinkia mash warinmaksha yainmaji nukap. Ju takatka najanjinia juka nukape yaimkatatui mash unuimiatnum uchi unuimiakiar wininiana ukunam juna jisar ni unuimiatrartiniuti nuya emtikiar weartiniuti juna apatkar jisar manitkiar wenak nukap nekakiar kiranash najankiar wenak nui paan iniuncha awajaki wetatui ukunam inia uchiri wininiana ausha Turau asamti ju kirakana janar ukuaji ukunam uchi unuimiakiar wininiana au ju kirakan achikiar nukap unimiatrarat nuya emtukiarat irutkamujai chichasar najankiar wearat tusar ju kirakan penker paan najanar ukuaji, nukap penkeri menkaiki weamti ju kirak ju inintimsamu awai iniu penkeri menkaken tusar najanauwitji.najanauwitjai mash unuimiatnumsha ju kirakanak kamarat tusar nukap nunia iniakmasar chichakiar wearat tusar aitkaji penker jismajai.