Programa de Estudios Interculturales

Permanent URI for this communityhttps://dspace-test.ucuenca.edu.ec/handle/123456789/236

Browse

Browsing Programa de Estudios Interculturales by Author "Shiguango Yumbo, Claudio Patricio"

Filter results by typing the first few letters
Now showing 1 - 3 of 3
  • Thumbnail Image
    Item
    Conocimiento y fortalecimiento de las funciones y responsabilidades de las madres y padres achuar en la formación de las hijas e hijos de la Comunidad de Pumpuentsa
    (Universidad de Cuenca, 2013-11-11) Tanchim Tuutrik, Juse; Pitiur Esamat, Kitiar; Shiguango Yumbo, Claudio Patricio
    Ju takat najanmaunam, chicham jusamuiti kirak unuimiatiniu najanamunam (LOEI y CODIGO DE NIÑEZ Y ADOLESCENCIA), apaach nuya nukuach wiakách umiktintrin nuya timiatrusar ejeratniuri, nuya Achuarnauka unuikiartin, nekamin nuya juntach timiatrusar nekaiyana nu enkekar nuya inintrusar najanamuiti. Mash enkekar nuya inintrusar jismaunam nekauwitji, apawach nuya nukuach ni umiktintrin nuya timiatrusar ejeratniurin mash takatnum ainiana: ii weaunam, irutkamunam, arakmatnum, eamtanam, entsa nijiaknum nuya Achuara takatri najantainiam ainia nuna untsuri apaach nuya nukuawach irutkamu pumpuntsanmaya amiyawai nuya uchirin iniankatkiar wenawai umiti nuya timiatrusar ejeratin ainia nu mash Achuarnum pant wajasat tusar. Nú nekamujai ii JUNT UNUIMIATI KUINNUM unuimiauti ininti najanauwitji nekaska junau; nekar nuya tsakatmartin apachin nuya nukuachi, umiktintri nuya timiatrusar ejeratniuri uchiri nuya nawantri tsakatmartinnum irutkamu pumpuntsanmaya, apawach, nukuach, uchi unuimin, unuikiartin nuya unuimiatiniam junta ainias pujuinia nuna nekaska uchiwach yakat pumpuntsanam achitkiniana nunaun. Unuikiartin penker nekawar nuyanka uchi Achuarti nunken matsatiniana nuna jintintiawarat tusar. Ju takat najanamuka yachintiuk akankamun takakui: Akankamu kichik: Wiakach apaach nuya nukuach umiktintrin nuya timiatrusar ejeratniuri : Akankamu jimiar: Achuar apaach nuya nukuach umiktintrin nuya timiatrusar ejeratin irutkamu pumpuntsanu, uchiri nuya nawantri tsakatmartinniau: Akankamu kampatam: Ininti najanamu “nekar nuya tsakatmartin apachin nuya nukuachi, umiktintri nuya timiatrusar ejeratniuri uchiri nuya nawantri tsakatmartinnum irutkamu pumpuntsanmaya”; Akankamu yachintiuk: Jisar nuya etsertamu aints inintrusmau.
  • Thumbnail Image
    Item
    La formación docente y su incidencia en los problemas de aprendizaje de los niños y niñas achuar del Cecib Kamijiu de las unidades 11 al 54 ( 2do al 7mo año de egb)
    (Universidad de Cuenca, 2013-11-11) Piruch Pininkias, Naekat Gonzalo; Sumpa Kashijint, Ankuash Alberto; Shiguango Yumbo, Claudio Patricio
    Ekuaturnum unuimiatka amuamu musachnum jismaka nukap yapajniaki weawai, kirak umiti papiji, yamaram chicham ekuaturnum jinkia wea aujai, turau asa penker uchi unuiniartin nuya jintiatin nekakir wetinnum yainmaji, tura aintsarik nekaska tua uchi uyumamu iruna un timiatrusar nekar penker jintiatin ainias weawai. Ju nekapmamuka yainkratui warinkish taamamti ayatrukir wetin, tuwait nekas unuikiartinniu takatrisha, turau asamti unuikiartinka ju chichaman nekau atiniuiti warukamtia uchirisha unuimiatsu, wari itiurchatna takaka tuyampa nusha winia nuna mash jis namkemas jintiatniuiti. Chikich chicham tee penkeraiti jusha nekaska unuikiartin iruna au penker nekawartin ainiawai tarimiat aints unuimiati jintitiniam wari tawa nuna, nuna nekaki weak penker unuikiartin nepetkachmin atatui. Ju takat najankur chicham inintrusar najanmuka yaimkatatui uchi unuimian ainia nuna mash ankantan takusarat tusa, ni nekatirin mash unuimiakiar ukunam penker pujustiniun nekawarat tusa, unuikiartin ainia auka aya jintiatnuin wakerukchamin ainiawai nekatniuiti warinmak jeatsu tura nunasha itiura ejetuktata nuna, ni pujamurin, ni nekamurin tu iruntramunma pachitka nuna mash nekau atiniuiti.
  • Thumbnail Image
    Item
    El maltrato físico y psicológico y su influencia en el nivel académico de los niños as achuar en la Comunidad Wampuik
    (Universidad de Cuenca, 2013-11-11) Shimpiu Chuim, Mashinkiash Felipe; Shiguango Yumbo, Claudio Patricio
    Nekas ju takat najanmaunma penker shiram wakerukan ju takat najananjai, penker nekatasar warin pasek nuimiatnumsha uchinmasha nankama nu nekami tiri najanmauwitia, aintsan wari pasenaka apacisha waininia nuimiatnumsha, pujamunmasha nuna penker shiram nekatasan ju takatnaka najanjai, aintsan uchi ainiau nisha nukayasha pujuinia nekatinia nuya aintsan, nekatiniam nuna mash nuikiarniun nintrusan nekami tinia wi wakerukmaujai ju takatnaka achikiuitjiai wikia , nuya uchi nuimin ainiausha nisha warinsha kakat juamunmaka shiram, penker pachinkarat tu nintimsan junaka takatnaka najanatasan wikia juntan wekatusan nintrusan najanjai, aintsan nukiartin ainiaksha nekas niniu kirak umiktin ainiana nujai nisha penker takakmasarat tusan wakerau asan junaka najanjai, nuikiartin akusha penker takat juamu achamti nuna jisan ainkia atsuti tinia najanjai. Amuamuna, ju takat najanmauka, nintimsamuitiai, nekaska nuikiartin ainiausha nisha penker nuiniakmau arat tuminiak uchinmasha shiram nisha takamasarat tinia nuna wikia wakerakun ju kiraknaka najanan ukuajai, apar, nukur, aintsan nuikiartin akusha nuna penker uchisha jintinchamu amati nuna nintimsan najanjai wikia ju takatnaka Aintsan nuikiartin, ainiaksha nekash ninia pujutiri penker ainia, aintsan ninia jintitiri nuna nekatasan nintrusan wikia najanjai, nekas, jintinia, turutskesha jintiniatsuash nuna penker nuimiatrami tinia mash nintrusan jananjai, nuikiartin akusha penkersha uchin jintintia, turutskesha kajerawash nuna nekatasan najanan ukuajai, aintsan nu nukap nakamamtisha tuke menkatana aisha menkakmi tinia takatnaka nuikiartin, aintsan apach, nukuach, uchi ainiamtisha nekas nintrusan ainkia atsuti antsu penker shiram takamasarmi, uchi ainiau penker nuiniakar shiram pujusartai tinia wikia nunam wakerakun ju takatnaka najanan ukuajai irutkamunam aintsan nuikiartin takakminiana nunisha nunisnak uchin penker jintiawarat tinia wakerau asan.