La ceremonia ancestral del yagé en la comunidad Siona Aboquëhuira

Abstract

Quëayë iye goamaña nese´e coequë mai diusu cui'ne mai ja'quë ñaquëna cui'ne yë'ë j'quëreje.iquë Diusu yë´ë ja're baisidoire iore ye´yequëna iobaiñeje isibi, cocajai cui'ne isibi ñese sajañere ye'yequë,yë'ë ja'quëreje cobi ,siahua'ire soe yë´ë joyo deoye goachaquë yë´ë deoye ba´ijañere cohuë cui´ne ye´yeye corebase´e siamoseña, dehuasidoire siaore goachajë te´e duñe baijañere yë´ëre quëahuë jëagoeye beoye te´oreje siadë yë´ë goachaye cui´ne tutubañeje, jaë hua´i doire yure yë´ë ba´iyë .Yë´ë sihuayë iye joyobi. Jare jaje cose´e beoyë jaje ba´ye iye yëquëre goñeco ñese sajacore cui´ne iye baidaribëa siona yure baiyë ye´yeye siquë ba´ijañere jaje ba´ina cocaiye ba´iji yë´ë baidaribëa sionare. Ye´ye sicoai mai baidaribëa cui´ne bosë tsi icoai yiocarebare ba´iyë ye´yeye ma´coaibi cui´ne goacha jaijacoaire ye´yeye ba´iji goasiaye yiocabi cui´ne mëaberana, deoye baijacoai si`sisicoai teihua'ise´e mai sionas iye daribë cui´ne jetihui acoai. Iye pope mañebi ëcobi bañu´u daure cui´ne deoye mai bain cui´ne baidaribëa Sionas yequëre sihuajë cui´ne mai bainreje cui´ne aibë mañareje ñacoaire maire jaiye tutu beodoire jaje ba´ina mai daribë tiajacoaiaë deo ma´ana.