Browsing by Author "Uwiti Tarir, Kurumpian Carlos"

Filter results by typing the first few letters
Now showing 1 - 1 of 1
  • Thumbnail Image
    Item
    Proceso de elaboración de la cerbatana
    (Universidad de Cuenca, 2013-11-11) Uwiti Tarir, Kurumpian Carlos; Antik Tentets, Tunki; Jimpikit Waar, Jorge Marcos
    Nekaska ju takat inintrusmauka narinkia juwaitiai, UUM ITUR NAJANTAYAI NUU, uum tamauka karuwa aintsan eamkar yurumtai awitiai ni warin takakui tsererach piniu awai mai shiram tura ni nekapmamuri takakui kichik nekapmamu jape turutskesha kampatam nekapmamun takakui sarmarinka ,tura aintsan uumnaka najanin ainiawai juna : Uwin , tuntuaman , chuchukan , kakaspin , namukumin ,terenun aun najanin ainiawai shiram nukap uwi arusminnaka uumpin uyu ainiuka nekaska najaniniawai eamkar yurumin uumjai ainianu tura uum najantan nekau ainianu.Uumka takuwitiai warin tsentsak jinkitniurin tsererach main , tura tsentsaknaka mesetaintiai ikiam weri urakar tura emka mash nekapmar kupirar mesetsuk kichik meserar shiram jinkiamti nui mesetaintiai ,merertasrikia uwejai nekapmar nui kupikiar tsererach tsenrar nui mesetaintia tura meseakrisha wampuash paintinnumka tsakchatintiai antsu chinki tukutniunmani tsaktaintiai,nuyanka mash meserrikia paitiatiai tseasjai mash painkiar jii yantarin ukuntaintiai karat tusar tura mash karamtinkia tuntanam kuntaintia ikiam weakur jukimi tusar,tura ikiam weakur jukirka chinkiksha wainkarka uumpunkurka kakarmaji uumputaintiai yaitmatik uumpunmaka tsentsak jinchawitiai turau asamti,tura aintsa chinki uumpuntintiasrikia tsentsaka peruntar uumpuntaintiai turachmaka uwejtin kutam kuitkai tusar tuke peruntiniar uumpuntin ainiawai.Tura aintsan uunaknajanin ainiawai achuar, shuwar, shiwiar, sapara, wampis, awarunaau iruntrausha uumniaka najanin ainiawai turasha metekchaun uyuiniawai ninkia apun uyu ainiawai tura shiram wiaramuka awitiai karuwa aintsan ikiam weri nui mitie wainkar tukutintiai tura nap jismaka uumpitiai karun nankamaska jujainkia tukutintiai chinkichisha mash nuya uwejtin, aintsan akisha tukutintiai nusha tseas taranjai. Tura juka tsentsaks mash uumputir amumrukrisha taksha ikiam weri urakar meserar najantaintiai,uum tamaunka mash taku ainiawai nekaska uumjai eakar yurumin ainianu achuar, turauasar nitirankincha.