Browsing by Author "Tunki Timias, Antun Gustavo"

Filter results by typing the first few letters
Now showing 1 - 4 of 4
  • Thumbnail Image
    Item
    El matrimonio prematuro influye en el desarrollo normal de los jóvenes de la comunidad Achuar de Shuinmamus
    (Universidad de Cuenca, 2013-11-11) Tiwi Pininkias, Chuint Jorge; Jempekat Unkum, Nayash José; Tunki Timias, Antun Gustavo
    Ju takat najanamau juka, nekaska amamkesar jisar ii achuartisha itiur nuatnaikia pamparmait, tura apachcha itiur pujú iruna nú amamkesar jisar nekatai, tuin imiancha pase janamau iruna nú jistai tamauwiti, nekas apach ainiaka tura yamaikia tarimiat aentsnumsha nuaknaitiai arantia timiau tawiti, tumainiak iisha nú achikiar apach nuatin ainia nunisar najaneaji, nusha iniuchu asamti uchi nuatnaikiarusha katsuiniatsui, nusha apatkar jismasha nuniniuk chikichka ainiu irunui, tuma asamti aujmatkir aakir weakur arum timiatrusrik jistatji. Yaunchuya aujmatsamka mashi aents waji nunka pujuiniajnia nuka tuke nuatnaikiamunya akiniuitji, pamparmaitji, tuma asamti, Arutam nuwan nuya aishmankjai najanaiti, nui pampaki weakur nukap ii aentsjai yujaruitji, ju irutkamunmaya nuna nukap aujmat wenawai, tura nui nuatnaikiamu amanum chicham pase uchichik nuatnaikiamunmanka awiti tumakui jui aujmatsattaji yaunchuya iniu itiur ainia nujai metek. Turasha chikichkimias atarimiat aents iruna nuka niniuri turutirin takakainiawai, nuka nuatnaitiai tamajai, nusha esetrar jismaka nii najantairisha ainiawai, tumainiak jú takatnumka yaunchu aujmatsamuri nuya najantai, pujutairisha iniujai apatkar jismaiti nuka yamai itiur achguarti pujajni nujai metek. Aintsarik ju takat esetra jisar najanamua juka achuar natsa pujutiri jirsar warukakuk uchichiksha nuatinia nuya nuwachisa warukakuk aininia nú nekarar jintiatai, yaunchu achuarti pujutiya timiatrusrik aiti tu enetaimsamuiti, nuya aintsarik aentstikia penker nankantrar nuatkachu asar pasemarar uchi akiniasha ainiawai, nú nekawarar amamkesar aarar ujukartai mashiniu uchi, natsa, apa, unuikiartin ainia nusha nekawar nuatnaitiai aujmatsarat taji, jtikiachma asamti apa nuku ainia ausha yamaikia uchirincha jintiniatsui, nuka ii juntrinkia nawantnaka penker chicharak tsakatmau armiayi, nuya unuimiatai uraimiu asamti nekachtaincha nekainiak mash ininti yapajikiar wenawai.
  • Thumbnail Image
    Item
    Relación de género en la vida de la nacionalidad achuar de la Comunidad Charapacocha
    (Universidad de Cuenca, 2013-11-11) Marian Sumpaish, Shirap Jorge; Tunki Timias, Antun Gustavo
    Achaurka tarimiat aintsuitiai america nunakanam matsatui pujuiniawai estsa akamunam wikiachnum yamai pujamunmaka, jui pujuiniawai jimiara yakat juut amaunam pastasnum nuya murunnum, ni pujutirin tuke metkiar wenawai nekas najanatniuana nujai nuya nuya ni nunken ka ni pujutirijink matsatiniawai. Juut kirak najanamutia penekr nitimrar jisar pujuta unuimiatraru ainia nujai nukape inti sukartinia nujai mash achara pujutiri aintsank apachnaujai. Takat najanamuka eawai tuki aishman nuya nuwajai yapajniararu ainia nuna, tuink nuwasha pachininia achaur pujutnumasha. Nuya aintsank achaurnuwasha yapajniniawai yamaikia kintia yapajniaki weamiunam nisha miakia anakn takusartin ainiawai, tura kichka yanchuikianak metiniawai aishmak nankmaku amati nuwaka nunca jismau, turasha amiti papiniam jisam metek anturnaiyamu aitiniuitiai aishmak nuwa pachinkarat tusar. Wi achaur uchi unuimiatu asan juna takatan najanauwitjia intrusan mash nunkamna nekawarat tusan aishmak nuwa tiur matsamin ainia nisha nekawar najanawarat tuke kintiatin.
  • Thumbnail Image
    Item
    Transmisión del conocimiento ancestral de la madre hacia las hijas
    (Universidad de Cuenca, 2013-11-11) Mantu Sumpinanch, Awarmas Cecilia; Mantu Sumpinanch, Sanchiu Elsa; Tunki Timias, Antun Gustavo
    Ii juunt unuimiati unuimiarar amua asar, takat najana ukuktiasar yamai Achuarti itiur matsataj nujai metek inintimsar iisha achuar nuwa asar penker inintimmiaujai, yaunchuik nukuach nawantri itiura jintinkiara tsakatmin armia nuu inintimsar, yamaikia nawant tsakainiaksha niniuri kajinmatkiar tsakainiamti, iiniu kajinmatkimiu aink tusar najanar ukuaji.Yama nankamtikkia achuartisha tuyan tawitiaj, yaunchuksha warukukiaj nú mash inintimsar, aujmatsar najanamuiti, aintsarik, ii pujutiri nekar nuya achuar matsamin armiana timiatrusrikiash matsatiniaj, nú inintikiash takuiniaj nusha aarmauwiti. Emki weakur nekas ii iwiakmau amusuka nuwaiti, nuwa atsamtikia pamparmau ayaj atsumniuwaiti, tumau asa ii nukurinkia nukap takatan najanniuiti, nawantri unuiniawai, itiura ukunam aishmankun wainkiasha jistiniut, nijiamanchsukartustiniun, yurumkan awitniuit, aja takastiniunnuna, tura uchirin wainkatniuana nuna.Yamaiya juinkia nuwa nuna nekatsuk nawant wajasar, aishmankun niniumkar, kajernaikini wajasar warik ajapnaiyawar pase matsatuwenawai, nú inintimsar itiurak nuwach ainiu ininti enketawaraintiaj tusar juka najanji. Nankamichuiti iniu takatri. Yaunchuka inia nukurinkia, ajanam wekas, aishrin tamaum , emtainium wee, mash aishri tamaun amik, nii jenka shiram puju armiayi, tura yamaikia nuna nekainiatsui, yamaiya juinkia, nuwach apari, nukuri tamaun antiniatsui tura aminiatsui, warik uchichik aishmankun niniuminiawai, nui aishrin penker wainiainiatsui, tura anentruatniun, nupa takastiniun, nijiamanch suruktiniun, atashun wainkiatniun nuya achuar nuwan najantairi ainia nuna nekachu tsakainiawai. Apar nuya nukur achuar yanchuik jintin armia nuniska jintiniatsui, ayatik uchisha nii wakeramujai pujusar jintintiachmau tsakainiawai, ju papi najanar ikiuaji atum aujsarum penkeri jisrum nekataram.
  • Thumbnail Image
    Item
    Utilización del lenguaje no verbal en el proceso de interaprendizaje en el centro educativo 5 de agosto de la Comunidad Achuar de Shuinmamus
    (Universidad de Cuenca, 2013-11-11) Mayak Timias, Luciana Mainia; Chumpi Mukuink, Inchis Gloria; Tunki Timias, Antun Gustavo
    Ju takat paan apapekar yamaram najanatasar jutikiaji penker kirak ukukmi tusar chicham chichatsuk muchitkar, nuya iniakmasar warinsha mash chichajinia nuwaiti anturnainiaji paant warik titiasar wakerajiña uchi ukunam wininiana nusha nekawarat tusar najanji ju takatka ju takatan jisar uchi ukunam wininiana nusha chichaniak juwaiti tiarat tusar nisha paan awajkiar wearat tusar, junisar chichakarmi tiarat nuya nekakiar iniun kajinmatsuk unuimikiar wenak jusha awapi tiarat chicham chichaktincha,tiar nukap jintinkiar wearmi ukunmasha unuimiatnumsha paan jintinkiar kiraknasha najankiar wearmi tusar ju papi najanji penker ukukmi tusar.Ju chicham chichati nukap ainiawai, nuya anturnaiti penke pantaiti. Nekaska ju nekatinkia nukap ainiawai chicham chichajinia aintsanketai ju chichamsha Nekaska ju ainiawai nakumkar tamau, ipiamat, pasunmamu, nuya chinki pasuntrau karanmaksha pase kanamu, upikmakirweamu ukunam winiak jintia nekat tusar, nukumamu, suertamu arum warinsha yuatatkurin, yajasmau aimiana jempe tsej tsej tana nuka warinsha nankamastatmati etserui, au ainiawai nukap chichati ujaniktin tursha unuimiatratniutji unuimiatnum mash junaka unuimiatnumsha mash paan jintiatniuti ju chichatinkia mash warinmaksha yainmaji nukap. Ju takatka najanjinia juka nukape yaimkatatui mash unuimiatnum uchi unuimiakiar wininiana ukunam juna jisar ni unuimiatrartiniuti nuya emtikiar weartiniuti juna apatkar jisar manitkiar wenak nukap nekakiar kiranash najankiar wenak nui paan iniuncha awajaki wetatui ukunam inia uchiri wininiana ausha Turau asamti ju kirakana janar ukuaji ukunam uchi unuimiakiar wininiana au ju kirakan achikiar nukap unimiatrarat nuya emtukiarat irutkamujai chichasar najankiar wearat tusar ju kirakan penker paan najanar ukuaji, nukap penkeri menkaiki weamti ju kirak ju inintimsamu awai iniu penkeri menkaken tusar najanauwitji.najanauwitjai mash unuimiatnumsha ju kirakanak kamarat tusar nukap nunia iniakmasar chichakiar wearat tusar aitkaji penker jismajai.