Browsing by Author "Sando Hushpa, Margarita Cecilia"

Now showing 1 - 1 of 1

Diseños faciales de la nacionalidad Shuar del centro Shuar Tsarunts
(Universidad de Cuenca, 2013-11-11) Sando Hushpa, Margarita Cecilia; Timias Pujupat, Joaquín Bosco; Uguña Fernández, Héctor Arturo
Jú takat najánamu nekáska itiura shuar usumprar yakámau aármia nú imiantri nekáska anίntrusar najánamuiti, ίrutkamu Shuar Tsarunts matsátainia, tura ίrutkamu nuin ápatnik shuar pujúiniajai. Nekás pénker enentáimsar najánamuinti yaunchu shuar itiur najánin aármia nii iniákmamtairi, nekámuri tuke najánki winiaji, jú usumprar yakámatai áinia aúka nekáska nánkamsar najánchatainti, nekáska warinkish námper áiniana aí yakámatai áiniawai. Aίntsan irunui ijiúmatai, yakámatai áinia aúsha irunui tura iniashnum ijiúmarmaka tuke juawai, júnaka ayátik úut najánin áiniawai; júka yapiniam najántainti, núnisank júka urutsa saepen puári irunu juúkar, nuyá chiapa jankirí kampúnniunmayan nekás ijiúmatain juúkar itiar ijiúmau ármiayi, tura ipiakjai yakámatainkia áiniana auka warίnmankesh iniákmamkur imiátkin áiniana aú ámankesar enentáimtusar yakámatainti nuka arumka menkáiniaiti tura suwajai yakámarikia wau menkáchaiti júka tίkichik atsákamu pujúwiti sakartinkia. Nekás usumprar yakámatai áinia aúka enentáimsar najántainti, nekás kakártai nuyá kakáram átai tusar nekás yajásma áamanke áinia aúka jú áiniawai. Napi nekás nekámu, aίntsan nankámas panki nunkáya nuyá úunt panki entsa pujú áinia nú. Nuink irunui yajásam áiniana nú, tsenkútsuk yawá, nuin imiátkin nanámtin áinia ausha awai: Kawá nuyá patu, tura nayáimpiniam Yaa irunui, nuyá Etsa. Shuarka nekás yakámatai áiniana núnaka nankámas nékau áiniawai. Iniákmaji námper tsantsanu, napi nampéri, tura tuna karámma Arútma kakármari wáinkiatai tusar; aú áiniawai Shuara kakátairinkia.