Browsing by Author "Jimpikit Juank, Luis Antonio"

Filter results by typing the first few letters
Now showing 1 - 1 of 1
  • Thumbnail Image
    Item
    Extinción de especies nativas en la comunidad San Luis Inimkis
    (Universidad de Cuenca, 2013-11-11) Jimpikit Juank, Luis Antonio; Tsukanká Chinkiás, Chumpí Aníbal
    Ju takatka winia nunkarui Inimkis, yajasma irunu, kampunniunam, kajín menkainiana: numi, namak, yajasma muntsu, chinki, tsenkem. Ju iwikainia itiur kajinia, itiur kampumniun emesmekar iwiakun irunun mainia nu imiatrusar nekar aarmaiti. Tura nunka tseasmakai, iwiaku irunun itiurchat amajsar miania nu itiurkarik, chicham jintira, aents penker jintiawaij tusar unsha jintiamuiti. Yamaiya juinkia, papi aarma, kampuntin emestsuk, takakmasar yurumawarat tusar jintia armaiti. Tura aentsan nunka tepekmanun, tura ii Nunken Ecuador, kampunniun emesmainia nusha nekar aarar jintiamuiti. Yajasma ii nunké matsamin, nunka tseasmakmatai, Entsa tseasmakmatai, kajinia auka, ii aentsuk amitmainiawai, iturara nusha, auka, kampunniunan numi irunum ajainiak, tura aentsank takakmainiak, waakan ipianpainiak, tseasan ukatainiak, tura nunisan, entsasha namakan matsatuncha, init ipiatainiak, tura nunisank, tseasan upujtusar namakan juiniak, ashi itiurchat amajainiawai. Aitki wenak numi iirunu ajamu asa yajásam yurumtai, atsawai, kampuntin kuntus juawai, tura yajásma kajiniawai. Tura yajásma penka mekárarush írunui, tura menkaratin ajásuch, nusha awai, aents ti penke netse ajásji, aya kuitiak enetaimtaji, tura ukunam urukata, ii ayashin sunkumakir weaji nuka nekátsji, penke atak penke jakur shintiartai tusan tajai. Yamaiya juinkia, penker esetrar, kampunniusha, iistai, ajakrisha aratai, iwiaku penker iistai tajai. ii nunkenka , tii shirmaiti, tura ishichik yutuk, etsantar ajawiti, tuma asamtai yajasma tii irunniuiti, ashi numi, shirmach, naintcha, yajasmasha , chinkisha shiram aremramu imiatrus iirunui, entsa tii penker saar, tura yajasmash, uchich ainiana ausha tii nukap iiruinui, tura nusha, nunka emesnakui, yaitmataik kajinki wenawai. Tura nu warik kampuntin ayampruktai chichá, antrar pujaji, tuma asamtai wi papi aarma emtikiatai, itiura penker takakmasar, nunka tepaku, kampuntin emestsuk, kuit wainkiar yurumatniun un imiatrusar arman peekjai.