Browsing by Author "Calapucha Andy, Claudio Fidel"

Now showing 1 - 4 of 4

El canto en las actividades cotidianas de la Comunidad Waodani Bameno
(Provincia de Pastaza, 2014-11-11) Ima Omene, José Babe; Baihua Miipo, Manuel Rodrigo; Calapucha Andy, Claudio Fidel
Waodani, gikene nee waokan ingampa tomenga apamo nangi waemo imamo impa, nano aa beye, waa kete godogame ombede iñomo kewengampa. Ombede gikene impa tomenani nani bee tente godogame ombe tono aweidi geña kete kewen. Mani nani eñemamo gikene tome kewengimamo beye impa; tomemamo impa amotamini nani amamo, mani nani amamo gikene weeneyede nani kegai ante ponente ananipa, ombede beye, aye amo dee an kewenkeboimpa ante ananipa tomenani nani keweñomo. Adobai tomenani amotamini ani añede gieken wodogate pedani tomenani awen gii ante, ooinga oin ante, naniwenkabo manomai kewenanipa ante, ñanongi ante, tapa toin ante, tapa tenoin ante, wadete kewengi ante, kewen gain ante, aye wakoo godomenke wodogate anani amotamini. Aye adobai in nani kewenepo iñede gikene, waodani wadani nempo bee tente beye tomenani memeidi neenai tono amotamini pakadani doobe win ponenani badanimpa. Pakayomonga nanikweñomo aye memeidi imai keadsanimpa ante aye tode pedani, amotamini anani, aye dodani kegain ante apenedanimpa, maninani inanipa Bameno owodani, ongiñenani pikenani tomenani kowen amotamini tono dodani keai ante kete beye win ponemai inanipa. Edenani gikene tomenani wadani yaabe ponani tono bee tente beye win ponenanipa tomenani wemeidi amotamini angai ante. Manomai badani ate beye in minkayonta monato yewemomonapa amotamini tono dodani kegai, ébano ante angadanii ante, kinante wodogate angadani ante, mani yewemoin adinke nee minkayonta beye ate eñekedanimpa ante kedani tomenani anani godomenke diki minte akinani aye eñenani bakedanimpa ante yewemonte impa waodani nanikewemenka. Manomai impa ante “Amotamini ombe kete kowen nani an waodani Bameno Kewenani”, nani ani ñani omente bai eñenginani ante yewemoin impa memeidi dodani nani eñente angai waodani keweñomo.
El matrimonio Waodani en el Yasuní
(Universidad de Cuenca, 2014-11-11) Omaca Yeti, Samuel Aguime; Calapucha Andy, Claudio Fidel
Monito keweñomo impa Omakaweno Yawatibe gameno, omede impa nani añomo tome emowo ananipa; Zona Intagible anobai wado emompa; Parque Nacional Yasuni Ongaidi tomaa me nani keweñomo mani beye tedenanipa kowe ingimpa waodani ome, adomai kewenani waodani Tadomenani tono Tageidi awene mani beye ñene nenanipa ome yawatibe. Mani beye ante adanipa nawaga in ante ebano in ante tededanipa godomenke nawanga impa ante, tomenani kin aye nenanitapa tomenani ki memeidi, ñeñeide neeni monito win ponenamai aye nemonipa kowen waomoni keweñomo yawatibe, kowe kete bemonipa, eme tede ñanonani monanipa, adomai, nanikabo ante tedenanipa godomenke waemo ebano in ante nani ma betedeyede wadepo ante (1956 ), kowe tano madiyede aye nenanitapa toma; tode beye, eme beye ñanongi beye, wadepo wadepo ba ate bakedani, edenenani, pedinke tomenani memeidi, ñeñeide neeni win ponenamain ante. Ebano keke eibe tededanimpa, wa wa keke godanimpa aye pikenani nani keweñomo, tomanani kin aye neenanipa tomanko win ponenamai amitamini beye, amonipa aye adomai neemonipa awake beye godomenque, neemonipa moni weginganka kowema neemonipa omede tono, aye aweidi tono gane enkate kewemonipa, moni keweñomo omede waemo impa. Waodani wayomo keweñomo tomanani dobe be tente inanipa wenenke wenenke ke godanipa kowede ki tono waodani ki tono, mani beye boto yewemomopa eme beye, nani keweñomo waodani ome yawatibe gameno, tomamoni ki aye neemonipa kemonipa eeme wadepo, kemonipa kowe dagenka tede, namome tede, penemepe tede kemonipa moni keweñomo yawatibe, adomai kedanimpa kowede bai ante eme wadompo nani keweñomo adomai monanipa waodani bai aye kowede bai monanipa, wedeñede adoke nenanitapa, mongi beye waodani, ñowo wadepo wadepo ba ate dobe ñimpo kedanipa edenenani aye bakenani monito monkekemonipa kowode bai, wao gameno mongi ba amonipa ananipa bakenani aye edenenani ñowo pedani, wenenani aye neenanipa tomenani ki ñanonte mongi beye ,wao gameno, mani beye yewemomopa godomenke nekedanimpa ante tedebopa moni keweñomo yawatibe.
La vestimenta típica Waodani en la comunidad Yawepade: confección y usos
(Universidad de Cuenca, 2014-11-11) Gaba Caiga, Guillermina Ana; Calapucha Andy, Claudio Fidel
MenkayontaabotomeñeneakinaniantenanikeyomoEIB,amoimpaadokeadoketomananoeñako Waomoni baianobayébanokekianobayeñakiantetomayawepadekewenanitono,manitonokekimowawaébanoketeanodo Waomoni eñentekeweweñakedanimpaanteayemaniatewiñenaniateeñentegodogameayeponaniinaniodomonginani. Botoyewemoñomotawenanitawenaniodomonanipatomaébanoébanoketewinponenamaintomenanieñakotomenaninanikeweñomoayemani badongui keteeñenamaygodomenkebaymaninoeñakitomaitedemanitomemokekeyewemontabopatomananiinaniteanteeñente,nee odomonani,nee adani,wempoidinee ananiinanitetomayawepadenanikeweñomokewenaniante eñentabopa. Ñowotomeñomokewenani kowode wekokee ñananimoni kimaniinketetomenaniinaniteponenteamoeñenteanodominteketeeñakinani,kinantemonikinkinantewaemoinantemonikinkemoatewadaniatewadekinanimonimemeidikeponibaytomaanodowakete monbayponentewatape,godongamekewentewakewengimamonentegokimoni. Tomatawenkobototomaamoeñentekedaniintapa20%tomananikeweñomokewenanidobemoni weñakoeñatekewenani. Inkebotokeekeñomotenee kedinkootawentapakompaneananikeweñoongonibeyeketomewaodaniinanitewekogodongaentetomenkeeñananitapaanobay Kengi godonaniomekedamaymoniwekoeñadamaybatemonikinwinponenanimpa. Anomayatabopakompaneaokontapaomekekinaniante,manitokodeka waakogodonteentemonieñakowinponenanipa,anomayedenenaniwimonikineñaynenanipanangigeñentewedanipawaodaniadanikete.
La vivienda tradicional Waodani en la comunidad Meñepade
(Universidad de Cuenca, 2014-11-11) Nenquimo Enqueri, Samuel Guiquita; Calapucha Andy, Claudio Fidel
MEÑEPADE nani keweñomo impa dayuno yeka tekeyede omede, pastaza gameno. Mani ome impa pikenani tenonte gompote neni tomanani beye, tomenani ñene ome nenani waodani beyenke. Mani yewemonte kedi impa nawanga dodani onko beye, nente kewingi MEMEIDI BAItomanani keweñomo.Anobai de bake wedinke dodani onko, tiñe ponente kekimoni wene bai wii KOWODE BAInenten kekinani,inkete ñowo edenenani wedenke wedenke gimpo kee godani, ponenanipa kowode bai kete kiwingi. Anobai, ñowo wado ba wedenke ka wete inanipa tomeñomo kewenani y pikenani ekene e nenanipa weene wadepo bai tedekimamo memeidi neni wii ponena mai tote kewenginani ébano nemo ante tomemoni kii,inkete waponi nente kinwingi omede kewenani tono kete dodani onko menoginani. Tomenani Waodani, weene yede wadani gidinani tono be tente kewenanimpa mono keweñomo, wadepo ñawoke ba pongatimpa wado bate wedenke a wedenke, ébano kete menonte onko wene bai kinwingi, kenkade omede aweidi ongonani tono. Nani gimpo kete kiwingi ante poneni tomañomo amazonia kewenani kowode bai ponente kenkade kewenani inkete.PikenaniWaodani tote kewenanipa mani onko nente memeidi bai gimpo kedamai ñowo ganka wiñenani inanite odomonanipa wempodani tono.